Sábado, 18 de xuño de 2016:

-10.30 horas: Balance da misión comercial USA-Ourense.- O presidente da Deputación de Ourense, Manuel Baltar; a congresista norteamericana, Loretta Sánchez; e o presidente da Fundación Advanced Leadership, Juan Verde, farán mañá sábado, 18 de xuño, un balance da primeira misión comercial USA-Ourense, na sala de xuntas do Pazo Provincial da Deputación de Ourense.

Xoves, 16 de xuño de 2016:

-11.00 horas: Recepción á misión comercial USA-Ourense.- O presidente da Deputación de Ourense, Manuel Baltar, participa no Centro Cultural "Marcos Valcárcel" no acto de recepción aos empresarios norteamericanos que integran a misión comercial USA-Ourense, que se desenvolverá ao longo de dous días, 16 e 17 de xuño, en Ourense.

Martes, 14 de xuño de 2016:

-10.00 horas: Pleno infantil do Colexio de Maristas.- O presidente da Deputación de Ourense, Manuel Baltar e a deputada provincial de Transparencia e Goberno Aberto, Montserrat Lama, recibirán mañá martes, 14 de xuño, no Salón de Plenos, a 75 rapaces e rapazas de 5º de Primaria do Colexio de Maristas de Ourense, que realizarán un pleno infantil.

-10.30 horas: Entrega de premios do "Certame Internacional de Relatos a Farixa 2016".- O deputado provincial de Cooperación, Pablo Pérez, asistirá mañá martes, ás 10.30 horas, á entrega de premios do "Certame Internacional de Relatos a Farixa 2016" que terá lugar no salón de actos do CIFP A Farixa.

-12.00 horas: Presentación do programa "Cine de verán" da Deputación de Ourense.- Na Sala de Prensa do Centro Cultural "Marcos Valcárcel" terá lugar mañá martes, a presentación do "Cine de verán" da Deputación de Ourense. No acto participarán o presidente da Deputación de Ourense, Manuel Baltar; o director do proxecto Vida, Rubén Riós; e o actor protagonista de Vida, Óscar Rodríguez.

Luns, 13 de xuño de 2016:

-13.00 horas: "Vuelta a España 2016": reunión con alcaldes en Manzaneda.- O presidente da Deputación de Ourense, Manuel Baltar, e o director xeral da "Vuelta a España", Javier Guillén, reuniranse na estación de montaña de Cabeza de Manzaneda cos alcaldes ourensáns por cuxos municipios discorrerán as etapas da "Vuelta a España" 2016, para dar conta dos datos relativos ao percorrido, seguridade, organización e retorno económico. Previamente, entre ás 11.00 horas e as 12.00 horas celebrarase unha ruta cicloturista entre Pobra de Trives e Manzaneda, coa participación do exciclista profesional Óscar Pereiro.

Sábado, 11 de xuño de 2016:

-09.20 horas: Primeira viaxe do "Tren Turístico da Ruta Ribeira Sacra" 2016.- O "Tren Turístico da Ruta Ribeira Sacra" realizará a primeira viaxe da tempada 2016 na que participarán o presidente do Inorde, Rosendo Fernández; o xerente do Inorde José Manuel Rodríguez; a diretora de Turismo de Galicia da Xunta, Nava Castro; e directivos de Renfe. Declaracións aos medios: previamente á saída, no andén da Estación Ourense Empalme. Os xornalistas e gráficos que o desexen poderán realizar a viaxe desde a Estación Ourense Empalme ata Canaval, onde está prevista a chegada ás 10.30 horas. Na parada haberá un autobús que traslade de volta aos representantes dos medios ata a Estación Ourense Empalme.

-18.00 horas: Festival Fin de Curso da Escola de Danza da Deputación.- A Escola Provincial de Danza celebrará no Teatro Principal de Ourense o festival de Fin de Curso 2015-2016, no que participarán 250 alumnos. Os membros da Escola, de idades comprendidas entre os 4 e 75 anos ofrecerán unha recompilación de pezas de música, canto e bailes tradicionais aprendidas durante o curso. A actividade da Escola continúa con diferentes actuacións previstas durante a tempada estival, entre as que destaca a participación no Festival Internacional de Folclore de Tarare-Lyon (Francia), que se celebrará entre os días 5 e 12 de xullo.

-19.00 horas: Final da "Copa Deputación" de fútbol.- O vicepresidente da Deputación de Ourense, Rosendo Fernández, asistirá á final da "Copa Deputación" de fútbol, que se disputará no estadio do Couto entre os equipos C.D. Arenteiro e C.D. Polígono S.C.