Venres, 21 de xullo de 2017

-10.00 horas: Acordos da Xunta de Goberno.- Na sala de prensa do Centro Cultural "Marcos Valcárcel" a deputada de Transparencia e Goberno Aberto, Montserrat Lama, dará conta dos acordos da Xunta de Goberno correspondente ao venres 21 de xullo de 2017.

-11.00 horas: Certame celtibérico de bandas de gaitas.- Na sala de xuntas do Pazo Provincial terá lugar a presentación do Certame celtibérico de bandas de gaitas 2017. O acto contará coa participación do vicepresidente da Deputación de Ourense, Rosendo Fernández; o alcalde de Manzaneda, Félix Domínguez; o director de Nova Oca Manzaneda, Gustavo Sanmartín, e o director da Real Banda de Gaitas, Xosé Lois Foxo.

-11.30 horas: Presentación de "Laroucofest".- Na sala de xuntas do Pazo Provincial terá lugar a presentación da IX Festa popular e do III Festival xuvenil "Laroucofest". O acto contará coa participación do vicepresidente da Deputación de Ourense, Rosendo Fernández; do alcalde de Baltar, José Antonio Feijoo, e dos representantes de "Laroucofest", Verónica López e Daniel Blanco.

Mércores, 19 de xullo de 2017

-12.00 horas: Campionato Galego Doma Clásica.- Na sala de prensa do Centro Cultural "Marcos Valcárcel" terá lugar a presentación do Campionato Galego de Doma Clásica 2017. O acto contará coa participación do presidente da Deputación de Ourense, Manuel Baltar; o presidente do Club Hípico Vilamarín, José Luis Lema; o o vogal de doma clásica da Federación Galega de Hípica, Jorge Vázquez, e o presidente da Asociación empresarial de actividades ecuestres de Ourense, José Manuel Díaz

Sábado, 15 de xullo de 2017

-11.30 horas: Festa da Palabra na Insua dos Poetas.- O presidente da Deputación de Ourense, Manuel Baltar, participa na tradicional celebración da "Festa da Palabra",que anualmente se celebra na Insua dos Poetas (Esgueva-Madarnás, O Carballiño).

Venres, 14 de xullo de 2017:

-11.30 horas: Presentación do "Trail Galaica" de Boborás.- Na sala de xuntas do Pazo Provincial terá lugar mañá venres, 14 de xullo, a presentación do "Trail Galaica" de Boborás. O acto contará coa participación do vicepresidente da Deputación de Ourense, Rosendo Fernández; da tenente de alcalde de Boborás, Patricia Torres; e do director técnico da proba, Iván Sanmartín.

Xoves, 13 de xullo de 2017

-11.00 horas: II Curso de Música Antiga.- Na sala de xuntas do Pazo Provincial terá lugar a presentación do II Curso de Música Antiga. O acto contará coa participación do vicepresidente da Deputación de Ourense, Rosendo Fernández; do director do curso, Jorge Fuentes; da directora do Conservatorio de Ourense, Purificación Iglesias; e da profesora do curso, Mar Blanco.

-11.30 horas: "Noites teatralizadas".- Na sala de xuntas do Pazo Provincial terá lugar a presentación das "Noites teatralizadas en Pazos de Arenteiro". O acto contará coa participación do vicepresidente da Deputación de Ourense, Rosendo Fernández; da tenente de alcalde de Boborás, Patricia Torres; e do representante da Asociación cultural de teatro Plan B, Darío Rodríguez.

-12.00 horas: Homenaxe a Miguel Ángel Blanco en Xunqueira de Espadanedo.- O presidente da Deputación de Ourense, Manuel Baltar, xunto co alcalde de Xunqueira de Espadanedo, Carlos Gómez, familiares de Miguel Ángel Blanco e veciños, participarán nunha homenaxe a Miguel Ángel Blanco no 20º aniversario do seu asesinato por parte de ETA. O acto terá lugar xunto ao "Monumento á Liberdade", en Xunqueira, municipio natal do pai de Miguel Ángel Blanco.

-18.30 horas: Ofrenda floral en homenaxe a Miguel Ángel Blanco na Merca.- En Faramontaos (A Merca) terá lugar unha ofrenda floral na tumba de Miguel Ángel Blanco. Ao acto asistirán: o presidente da Xunta, Alberto Núñez Feijoo; o presidente do Parlamento de Galicia, Miguel Santalices; o presidente da Deputación de Ourense, Manuel Baltar, e o alcalde da Merca, Manuel Velo. SÓ GRÁFICOS.