María do Ceo presenta no Teatro Principal de Ourense o seu novo traballo musical "Fado com outro acento"

O vindeiro sábado, 26 de xaneiro, ás 20.30 horas, o Teatro Principal de Ourense acolle a presentación do novo traballo musical da cntante María do Ceo, quen presenta "Fado com outro acento". María do Ceo converte en vangarda o máis tradicional e o vangardista en fado sensible, coa sinxeleza reflectida na soidade dun máximo de dous instrumentos por peza, coa súa inconfundible voz que traspasa ventrículos e miocardios ata a profundidade da alma (xusto ao lado de onde se esconden as bágoas), cada canción parece estar rechea por unha orquestra sinfónica.

Ata o de agora María do Ceo ten editado os seguintes traballos discográficos: "Cartas de amor", "Vellas Lembranzas", "Ao rescate da alma", "Fado e outras músicas", "Panxoliñas,Villancicos", "Dúas almas do miño", "Tan lonxe", "No bico un cantar", "Celme encantado" e "Fado com outro acento". Ten actuado en escenarios de todo o mundo: España, Portugal, Arxentina, Uruguai, México, Francia, Arxelia, Alemaña, Italia e Exipto. Actualmente, ven de finalizar a banda sonora da película "Años Después", da que María do Ceo é compositora musical de toda a banda sonora.

VENDA DE ENTRADAS:

A venda anticipada de entradas para o concerto de "FADO COM OUTRO ACENTO" está dispoñible a través de www.novagaliciabanco.es e do teléfono 902434443. Na taquilla do teatro os días 25 e 26 de xaneiro de 11:00h a 13:30h. e unha hora antes do inicio da función. O prezo das localidades é de 12€ (butaca, platea), 9€ (1º andar), 8€ (2º andar), 6€ (paraíso e VR).

ORGANIZA: Teatro Principal de Ourense, Deputación Provincial de Ourense